ଢେଙ୍କାନାଳ,୧୩।୬: ଢେଙ୍କାନାଳ ସହର ଶ୍ୟାମାଚରଣପୁର ରେଳଷ୍ଟେସନ ଫାଟକରେ ଏକ ମାଲବାହୀ ଟ୍ରେନ ଅଟକି ରହିବାରୁ ଯାତାୟାତ ବାଧାପ୍ରାପ୍ତ ହୋଇଛି । ଫାଟକର ଉଭୟ ପାର୍ଶ୍ଵରେ ଥିବା ଗାଡିମଟର ଅଟକି ରହିଥିଲ।
ଶନିବାର ରାତି ପ୍ରାୟ ୭ଟାରେ ଟ୍ରେନଟି ଫାଟକ ଅତିକ୍ରମ କରୁଥିବା ବେଳେ ହଠାତ୍ ଅଟକି ଯାଇଥିଲା। ସମ୍ପୂର୍ଣ୍ଣ ଫାଟକ ଅତିକ୍ରମ କରିନଥିବାରୁ ଉଭୟ ପାର୍ଶ୍ଵରେ ଥିବା ଗାଡି ମୋଟର ଅଟକି ରହିଥିଲା। ପ୍ରାୟ ୪୦ ମିନିଟ୍ କାଳ ଅଟକି ରହିଥିବା ସ୍ଥାନୀୟ ଲୋକେ କହିଛନ୍ତି। କେଉଁ କାରଣରୁ ଟ୍ରେନଟି ଅଟକିଥିଲା ତାହା ଜଣାପଡିନାହିଁ । ଅନ୍ୟ ଏକ ଇଂଞ୍ଜିନ୍ ପହଞ୍ଚିବା ପରେ ଟ୍ରେନ ଯାଇଥିଲା। ଢେଙ୍କାନାଳ ସହର ଓ ବୋରାପଦା ଅଞ୍ଚଳକୁ ଯାତାୟାତ ପାଇଁ ଏହି ଫାଟକ ରହିଛି। ଅନ୍ୟ କୌଣସି ବିକଳ୍ପ ରାସ୍ତା ନଥିବାରୁ ବହୁ ସଂଖ୍ୟାରେ ଗାଡିମଟର ଅଟକି ରହିଥିଲା। ଅନେକ ସମୟରେ ଏପରି ସମସ୍ୟା ହେଉଥିବାରୁ ଅସନ୍ତୋଷ ପ୍ରକାଶ ପାଇଥିଲା।
