ମାଣତ୍ରୀ,୧୦।୬ (ଆପ୍ର). ବଡ଼ସାହି ଥାନା ଅନ୍ତର୍ଗତ ଚନ୍ଦନପୁର ପଞ୍ଚାୟତ ମହୁପୁରା ଗ୍ରାମ ରେ ଏକ ପରିତ୍ୟକ୍ତ କୂଅରୁ ବଳଦ ଉଦ୍ଧାର କରାଯାଇଛି।   ଏହି ବଳଦକୁ ବଡ଼ସାହି ଅଗ୍ନିଶମ ବାହିନୀ  ଉଦ୍ଧାର କରିଥିଲେ।

 ସୂଚନା ମୁତାବକ ମହୁପୁରା ଗ୍ରାମର ପୂର୍ଣ୍ଣଚନ୍ଦ୍ର ମହାନ୍ତ ପ୍ରତି ଦିନ ପରି ମଙ୍ଗଳବାର ମଧ୍ୟ ବଳଦ ଗୁଡିକୁ ଚରିବା ପାଇଁ ଛାଡି ଦେଇଥିଲେ ।କିନ୍ତୁ ଚରି ଫେରିବା ସମୟରେ ସେହି ଗ୍ରାମର ଜଗନ୍ନାଥ ମହାନ୍ତଙ୍କର ପରିତ୍ୟକ୍ତ କୂଅରେ  ପଡି ଯାଇଥିଲେ। ଫଳରେ ସେହିଠାରେ ଏକ ଅଦଦ୍ଭୁତ ଶବ୍ଦ ହେବାରୁ ସେଠାକୁ କିଛି ଗ୍ରାମବାସି ଦୌଡି ଯାଇଥିଲେ। ସେହି ପରିତ୍ୟକ୍ତ କୂଅରେ ଏକ ବଳଦ ପଡିଯାଇଥିବା ଦେଖି ଥିଲେ। ଗ୍ରାମବାସୀ ଏହି ବଳଦକୁ ଉଦ୍ଧାର କରିବାପାଇଁ ଚେଷ୍ଟା କରିଥିଲେ ମଧ୍ୟ ବିଫଳ ହୋଇଥିଲେ।ପରେ ପୁଣି ବଡ଼ସାହି ଅଗ୍ନିଶମ ବିଭାଗକୁ ଖବର କରିଥିଲେ । ଅଗ୍ନିଶମ ଖବର ପାଇ ଘଟଣାସ୍ଥଳରେ ପହଞ୍ଚି ବଳଦ ଟିକୁ ଉଦ୍ଧାର କରିଥିଲେ।କିନ୍ତୁ ସେତେବେଳକୁ ବଳଦଟି ମରିଯାଇଥିଲା।