କଟକ ୧୨/୦୬: ଦୀର୍ଘ ଦିନ ପ୍ରତୀକ୍ଷାର ଅବସାନ। କଟକ ୫୯ଟି ୱାର୍ଡର ୧୦୪ଜଣ ହିତାଧିକାରୀଙ୍କୁ ପ୍ରଦାନ କରାଗଲା ଘର ତିଆରି ପାଇଁ କାର୍ଯ୍ୟାଦେଶ। ହିତାଧିକାରୀଙ୍କୁ ୫ଟି ପର୍ଯ୍ୟାୟରେ ୨ଲକ୍ଷ ୫୦ହଜାର ଟଙ୍କା ମିଳିବ। କେନ୍ଦ୍ର ସରକାରଙ୍କ ପ୍ରଧାନମନ୍ତ୍ରୀ ଆବାସ ଯୋଜନା ସହରୀ ୨.୦ରେ କଟକ ମହାନଗର ନିଗମ ଦ୍ଵାରା କାର୍ଯ୍ୟାଦେଶ ପ୍ରଦାନ କରାଯାଇଛି।
ଆଜି କଟକ ମହାନଗର ନିଗମ(ସିଏମ୍ସି) ଦ୍ଵାରା କେନ୍ଦ୍ର ସରକାରଙ୍କ ପ୍ରଧାନମନ୍ତ୍ରୀ ଆବାସ ଯୋଜନା ସହରୀ ୨.୦ରେ ୫୯ଟି ୱାର୍ଡର ୧୦୪ଜଣ ହିତାଧିକାରୀଙ୍କୁ ଘର ତିଆରି ପାଇଁ କାର୍ଯ୍ୟାଦେଶ ପ୍ରଦାନ କରାଯାଇଛି। ହିତାଧିକାରୀଙ୍କୁ ୫ଟି ପର୍ଯ୍ୟାୟରେ ୨ଲକ୍ଷ ୫୦ହଜାର ଟଙ୍କା ମିଳିବ। ଯେଉଁମାନେ ୧୨୦ଦିନ ମଧ୍ୟରେ ଘର ତିଆରି କରିବେ। ସେମାନଙ୍କୁ ସରକାରଙ୍କ ପକ୍ଷରୁ ୨୦ହଜାର ଅଧିକ ପ୍ରୋତ୍ସାହନ ରାଶି ମିଳିବ। ସେହିଭଳି ୧୮୦ଦିନ ମଧ୍ୟରେ ଘର ତିଆରି କଲେ ୧୦ହଜାର ଟଙ୍କା ମିଳିବ। ଟାଉନ ହଲରେ ଆୟୋଜିତ ଏହି କାର୍ଯ୍ୟାଦେଶ ବଣ୍ଟନ କାର୍ଯକ୍ରମରେ ବାରବାଟି କଟକ ବିଧାୟିକା ଇଂ ସୋଫିଆ ଫିର୍ଦୋସ, ଚୌଦ୍ୱାର କଟକ ବିଧାୟକ ସୌଭିକ ବିଶ୍ଵାଳ, ମେୟର ସୁବାସ ସିଂଙ୍କ ସମେତ କର୍ପୋରେଟର ଓ ଅଧିକାରୀମାନେ ଉପସ୍ଥିତ ରହିଥିଲେ।
